2009ல் செய்ய நினைப்பவை

எனக்கு இது கொஞ்சம் ஓவர் தான்.

அடுத்த நாளுக்கு பிளான் போட்டாலே சரியா செய்ததா சரித்திரம் இல்லை. இதில ஒரு வருசத்துக்கு To-Do List வேற போடுறாராம் எண்டு சொல்லுறது கேக்குது. ஆனாலும் என்ட கொள்கை என்னெண்டால் (இது வேறையா) ‘திட்டமிடாம இருக்கிறத விட திட்டமிட்டு செய்யாம விடுறது மேல்’. (மற்றதெல்லாம் female)

அந்தவகையில 2009ம் ஆண்டுக்கான எனது திட்டப்பட்டியல்…

Academic

  1. முதலாவதாக Project eID ஐ நேரத்துக்குள்ள முடிக்கோணும் (இப்பிடி புளோக் எழுதி நேரத்த வீணாக்காம).
  2. ஆராய்ச்சி கட்டுரைகளை திட்டமிட்டபடி வெளியிடுதல், முடிந்தால் இன்னும் சிலதும் எழுதலாம்.
  3. இறுதி ஆண்டு பரீட்சை !!!.
  4. Google Summer of Code (நான் பங்குபற்ற ஏலுமோ தெரியாது… பாக்கலாம்…).
  5. மேல் படிப்புக்கு சரியா திட்டமிடவேணும் (இதுக்கு மேலையுமா…!).

Professional

  1. இலங்கை பதிவர் திரட்டியை செய்து முடித்தல், முடிந்தால் பதிவர் சந்திப்புக்கள்.
  2. ஒரு நல்ல புகைப்பட கருவி, சிறிய வீடியோ கமரா வாங்குதல்.
  3. குறைந்தது ஒரு (பயண) ஆவணப்படம் செய்தல்.
  4. சுயதொழில் திட்டமிடல் (ஏனிந்த வேண்டாத வேலை….?).
  5. ஒரு நிறுவனம் பதிவு செய்தல். (புளோக்கில பதிவு போடுறது இல்லை…).

Personal

  1. வலைப்பதிவுகளிலும் (ஆங்கிலத்திலும் தமிழிலும்) தரமான பதிவுகள் அதிகம் எழுதலாம்.
  2. லியோ கழக நடவடிக்கைகளில் இன்னும் அதிகமா நேரம் செலவளிக்கலாம் (ஒரு சமூக அக்கறை தான்).
  3. நூலகம் தளத்திற்கு அதிகரித்த பங்களிப்பு… !!
  4. வெளிநாட்டு பயணம்/சுற்றுலா போகலாம் (சும்மா…).
  5. ஒரு சில விட்டுப்போன மருத்துவ சிகிச்சைகளை செய்யலாம்.
  6. ஆரோக்கியமான முறையில் கொஞ்சம் எடை கூடலாம். 🙂

இதுவே ஓவர், இதுக்குமேல எழுதினா ரொம்ப ஓவராயிடும்.
பாக்கலாம் இதில எவ்வளவு செய்யலாம் எண்டு.

அனைவருக்கும் இனிய புத்தாண்டு வாழ்த்துக்கள்…!!!

அன்புடன்,
நிமல் (எ) பிரகாஷ் (எ) நிமலபிரகாசன்

—
This work is licensed under a Creative Commons Attribution-Share Alike 3.0 License.

பதிப்பாளர்

நிமல்

நான் நிமல் (எ) ஸ்கந்தகுமார் நிமலபிரகாசன். பிறந்த ஊர், யாழ்ப்பாணம். சொந்த ஊர், கொழும்பு. தற்போது அவுஸ்திரேலியா, பிரிஸ்பேன் நகரில் குயின்ஸ்லாந்து தொழில்நுட்பப் பல்கலைக்கழகத்தில் தகவல் தொழில்நுட்பத்துறையில் ஆய்வுக்கல்வியை மேற்கொண்டிருக்கிறேன்.

11 thoughts on “2009ல் செய்ய நினைப்பவை”

  1. நூலகத்துக்கு ஒண்டுமே செய்யிறதா இல்லையா :(உடனடியாக இந்த லிஸ்டில் நூலகத்துக்கான பணிகளை சேருங்கள்.. இல்லாவிட்டால்…. !

  5. //# சுயதொழில் திட்டமிடல் (ஏனிந்த வேண்டாத வேலை….?).# ஒரு நிறுவனம் பதிவு செய்தல். (புளோக்கில பதிவு போடுறது இல்லை…).//—————————————–அருமையான, துணிச்சலான, முடிவு.திறமையான, துடிச்சலான உமக்குஇது பெரிய வேலையில்லை – எனக்குள்ளேபெருமையாத்தானிருக்கு! – என்றாலும்முழுமையான வெற்றியின் முதற்படிக்குமுன்பேமுதுகுடைந்தோர் எத்தனையோ பேர்! பொறுமையாகக் கவனமாகச் செயலாற்றும்.எங்கள் கருமையான சரித்திரத்தைக் கழுவும் பணியிலும்உம் செழுமையான வெற்றிக்கோர் பங்கிருக்கும்.ஆதலினால், வரும்,போகும் ஆண்டுகளைச்சொல்லிவாழ்த்துதலை விட்டுவிட்டுநிறம்மாறா உறுதி தந்த தமிழ்மொழியின்வரம் போல வந்த உங்கள் நலம் வாழ வாழ்த்துகிறேன்!

கருத்துக்கள் மூடப்பட்டது