ஆஹா FM இல் பாலேந்திரன் காண்டீபன்

எமது பாடல்கள் முதன் முதலாக வானலைகளில் ஒலிக்க காரணமா இருந்தவர் காண்டீபன் அண்ணா. அவருடனான நட்பு காலத்தால் குறுகியதானாலும், மிகவும் இனிய நண்பர். வேண்டும் வேளைகளில் உதவிகளையும் ஆலோசனைகளையும் வழங்குபவர். தனது அறிவிப்பால் இலங்கை நேயர்களின் மனதை கொள்ளைக் கொண்டவரும் தற்போது இந்தியாவின் ஆஹா FM இன் அறிவிப்பாளராக பணிபுரிந்து வருபவருமான பாலேந்திரன் காண்டீபன் வீரகேசரி வார வெளியீட்டுக்கு வழங்கிய நேர்காணல். நீண்ட நாட்களுக்கு பின் அவரைப்பற்றி அறிய கிடைத்தது, அதை மற்றவர்களுடனும் இங்கு பதிவதன் மூலம் பகிர்கிறேன்.

செய்தி மூலம்: வீரகேசரி
நேர்காணல்: கா.பொன்மலர்

“இலங்கையில் தரமான தயாரிப்பாளர்கள் தரமான நிகழ்ச்சித்தொகுப்பாளர்கள் ஏராளமானோர் இருக்கின்றனர். ஆனால் இவர்களை ஊக்குவிக்க யாரும் முன்வருவதில்லை. இது மிகவும் வேதனைக்குரிய விடயமாகும் . இந்நிலை மாறினால் மட்டுமே இலங்கை ஊடகத் துறையில் ஆரோக்கியமான வளர்ச்சியை எதிர் பார்க்கலாம் இந்தியாவின் ஆஹா FM இன் அறிவிப்பாள ராக பணிபுரிந்து வருபவரான பாலேந்திரன் காண்டீபன் இவ்வாறு தெரிவித்தார்.

கேள்வி: ஊடகத்தில் அறிவிப்பாளராக உங்களது அறிரிகம் எப்படி ஏற்பட்டது?

பதில்: எனது ஊடக பிரவேசத்திற்கு முதல் காரணம் பாடசாலைதான். நான் முதல் படித் தது இசிபதான கல்லூரி.அதன் பின்னர் றோயல் கல்லூரி. அந்தக்கால கட்டத்தில் பேச்சுப் போட்டிகள், விவாதப்போட்டிகள் என்பவற்றில் அணித் தலைவராக இருந்துள்ளேன்.

இதுதவிர கவிதைப்போட்டிகள் என்பவற்றில் எனது திறமைகளை வெளிப்படுத்தியதுடன் கல்லூரி மட்டத்தில் சிறந்த பேச்சாளர், சிறந்த விவாதி என்ற அடிப்படைத்தகுதியை பெற்றுக் கொண்டதால் ஊடகத்துக்குள் இலகுவாகப் பிர வேசிக்கக்கூடியதாக இருந்தது. அக்கால கட்டத்தில் ஊடகத்தில் கடமையாற்றியவர்கள் அனைவருமே பாடசாலையுடன் தொடர்புடையவர்களாகவே இருந்தனர். பாடசாலையில் சிறப்பாக பிரகாசிப்பவர்களுக்கும் மாணவர்களுக்கும் ஊடகத்துறை வாய்ப்பளித்தது. எனவே அதன் அடிப்படையில் நான் றோயல் கல்லூரியில் படிக்கும் பொழுது இலங்கை வானொலியில் தேர்வு நடந்தது. 1000 பேர் தேர்வில் கலந்து கொண்டனர். இறுதியாக தேர்ந்தெடுக்கப்பட்ட 15 பேர்களில் நானும் ஒருவன். ஆரம்பத்தில் பகுதி நேர அறிவிப்பாளராக தேர்ந்தெடுக்கப்பட்டேன்.

கேள்வி; ஊடகத்துறையில் நீண்டகால உங்களது சேவைப் பற்றிக் கூற முடியுமா?

பதில்: இலங்கை வானொலியில் பகுதி நேர அறிவிப்பாளராகத்தெரிவு செய்யபட்ட உடனேயே எனக்கு சூரியன் FM இல் இருந்து அழைப்பு வந்தது. சூரியனுக்கு நான் 2001 ஆம் ஆண்டு சென்றேன். அங்கு தொடர்ந்து 34 வருடம் வேலை செய்தேன். அதன் பின் னர் சக்தி FM க்கு வந்து ஆரம்பத்தில் வானொலியில் அறிவிப்பாளராக பணியாற்றினேன். அதன் பின்னர் சக்தி TVயில் காலை நிகழ்ச்சிகள், Good Morning Sri Lanka என்பவற்றின் பொறுப்பு என்னிடம் வழங்கப்பட்டது. சக்தி TV இல் பல பொறுப்புகளை வகித்த நான்.

இந்தியா சென்ற பொழுது குமுதம், இந்தியாவை பொறுத்தவரை தமிழ் ஊடகத்தில் ஒரு முன்னணி நிறுவனம். அவர்கள் 10 சஞ்சிகைகள் வெளியிடுகின்றனர். அந்த நிறுவனத்தினுடைய புதிய வானொலி ஆஹா FM ஆஹா 91.9 FM அந்த FM இன் முழுப்பொறுப்பும் என்னிடம் ஒப்படைக்கப்பட்டது. நிகழ்ச்சிப் பொறுப்பு நிருவாகப்பொறுப்பு என்னிடம் ஒப் படைக்கப்பட்டன. ஒரு ஊடகவியலாளர் என்ற ரீதியில் ஒரு நிறுவனத்தின் நிர்வாக பொறுப்புகளையும் வகிக்கின்ற நிலைமைக்கு வந்துவிட்டேன். ஊடகத்தில் எல்லாத்துறைகளிலும், பணி புரிந்த திருப்தி இருந்தாலும், இன்னும் படிக்கக்கூடிய விடயங்கள் நிறையவே
உள்ளன. இலங்கையை சேர்ந்த ஒருவர் இன்னொரு நாட்டில் ஒரு ஊடகத்தில் தலைமைப் பதவி வகித்தது இதுவே முதல் தடவை. எனது அறிமுககாலம் முதலான கடுமையான உழைப்பு என்னில் எனக்கிருந்த நம்பிக்கை அதனை நோக்கிய வெற்றிகரமான பயணம் என்னை நான் வழிநடத்திய முறை என்பன ஊடகத்தில் நான் தங்கு தடையின்றி பயணிப்ப தற்கு ஏதுவான காரணிகளாகும்.

கேள்வி: இந்தியாவில் ஊடகத்துறையில் இணைய வாய்ப்புக்கிட்டியது எப்படி?

பதில்: இந்தியாவில் எனக்கு வாய்ப்புக்கிட்டியதற்கு காரணம். நான் இலங்கையில் 6 வருடங்கள் வானொலி, தொலைக்காட்சி ஊடகங்களில் பணியாற்றியமை மற்றும் இலங்கை ஊடகத் துறையில் எல்லாத்துறைகளிலும் முக்கிய பதவியில் இருந்தமை. இன்று இந்திய ஊடகத்தில் நான் நிலைத்து நிற்கின்றமைக்கு குமுதம் குடும்பத்தின் நிருவாக பணிப்பாளர் பி.வரதரா ஜனுக்குத்தான் நான் முதல்கண் நன்றி சொல்ல வேண்டும். ஏன் என்றால் நேர்முகத் தேர்வில் நான் தேர்ந்து எடுக்கப்பட்டதன் பின்னர் அவர் என்னிடம் சொன்னது. தன்னுடைய தந்தை தனக்கு குமுதத்தை பார்த்து கொள்ள தந்ததைப் போல உன்னை நம்பி என்னுடைய பிள்ளையை நான் உன்னிடம் ஒப்படைக்கின்றேன் என்றார். எனக்கு முழுமையான சுதந்திரம் தந்து எனது தீர்மானங்களை ஏற்றுள்ளார்.

வானொலி ஆரம்பிக்கும் பொழுது பரீட்சார்த்த ஒளிபரப்பு என்ற ஒன்று ஒலிபரப்பாகும். இலங்கையில் தான் அது பரீட்சார்த்த ஒலிபரப்பு. இந்தியாவில் அதனை சோதனை ஒலிபரப்பு முன்னோட்ட ஒலிபரப்பு என்று கூறுவர். முதன் முதலாக இந்திய வானொலியில் பரீட்சார்த்த ஒலிபரப்பு என்ற வார்த்தை எனது குரலிலேயே ஒலிபரப்பானது. இதனை நேயர்கள் ஏற்றுக் கொண்டனர்.

கேள்வி: இந்தியாவில் இலங்கை ஊடகத் துறையினருக்கான வரவேற்பு எப்படி உள்ளது?

பதில்: இலங்கையில் இருந்து போகிறவர்கள் என்று மட்டுமல்ல. இந்தியாவில் உள்ளவர்களும் தங்களை எப்படி வெளிப்படுத்திக் கொள்கிறார்கள் என்பதில்தான் வரவேற்பு இருக்கிறது. இலங்கையை விட அங்கு வாய்ப்புகள் அதிகம். புதிய விடயங்களை கற்றுக் கொள்ளலாம். கற்றுகொள்ள வேண்டிய விடயங்கள் அதிகம் உள்ளது. இலங்கைத்தமிழை இந்தியர்கள் எப்போதும் விரும்புகின்றனர். அதனால் எங்களது நிகழ்ச்சிகளை அவர்கள் விரும்புகின்றனர். இன்றும் ஆ.ஏ.அப்துல் ஹமீட்டை இந்தியர்கள் விரும்பக் காரணம் அவரின் இலங்கை தமிழ்.

இது தவிர நான் இலங்கையில் நிகழ்ச்சி செய்யும்போது, இருந்த நேயர்கள், அதிகமானோர் இந்தியாவில் இருக்கின்றனர். எந்த ஒரு எதிர்பார்ப்புகளும் இல்லாமல் எங்களுடைய குரலை வைத்துத்தான் அன்பையும் நம்பிக்கையும் வைப்பவர்கள் நேயர்கள். அப்படியான நேயர்களுக்கு உரிய நிகழ்ச்சிகளை வழங்குவது எமது கடமை.

கேள்வி: இலங்கை மற்றும் இந்திய ஊட கங்களுக்கு இடையிலான வேறுபாடுகள் என்ன?

பதில்: இலங்கையை விட இந்தியாவில் பயிற்சிகள் எனும் போது ஊடகவியலாளர்கள் நிகழ்ச்சித்தொகுப்பாளர்களுக்கும் சரி பயிற்சிகள் அதிகமாக வழங்கப்படுகின்றன. இலங்கையில் வானொலி சேவைகள் அதற்கான பயிற்சிகளும் மிகக் குறைவானவே உள்ளன. ஆனால் இந்தியாவில் வானொலி ஆரம்பிக்கப் போகிறோம். அல்லது நடந்து கொண்டுள்ளது. அவர்களுக்கான பயிற்சிகள் வெளிநாடுகளிலும் வேறு பிரதேசங்களிலும் வழங்கப்படுகின்றது.

அதனால் அவர்கள் வானொலிக்கு வரும் முதலே அனைத்தையும் தெரிந்துகொண்டு வருகின்றனர்.

தொழில்நுட்ப வசதிகள் அதிகம் தொழில்நுட்ப வளர்ச்சிகளை அறிந்து அதற்கேற்ற வகையில் தன்னை வளர்த்துக்கொண்டு வரும் தயாரிப்பாளர்கள் அறிவிப்பாளர்கள், அதிகமாக இருப்பதால்தான் இன்னும் இலங்கை வானொலி தொலைக்காட்சி நிகழ்ச்சிகளை விட இந்திய தொலைக்காட்சி நிகழ்ச்சிகளை இலங்கை இரசிகர்க

பதிப்பாளர்

நிமல்

நான் நிமல் (எ) ஸ்கந்தகுமார் நிமலபிரகாசன். பிறந்த ஊர், யாழ்ப்பாணம். சொந்த ஊர், கொழும்பு. தற்போது அவுஸ்திரேலியா, பிரிஸ்பேன் நகரில் குயின்ஸ்லாந்து தொழில்நுட்பப் பல்கலைக்கழகத்தில் தகவல் தொழில்நுட்பத்துறையில் ஆய்வுக்கல்வியை மேற்கொண்டிருக்கிறேன்.

3 thoughts on “ஆஹா FM இல் பாலேந்திரன் காண்டீபன்”

  1. Hi Nimal! Hope u r doing well. Met Vimal yesterday n he told me about ur blogsite. Thank u so much…not only for carrying my intw…morethan that u guys r doing very good job 4 our language.keep it up da!"entha kaalam ellorayum pirichatho…athe kaalam nam ellorayum endro oru naal meendum ondrakkum endra nambikkayudan…-kandee anna

  2. Hi Nimal! Hope u r doing good. Met Vimal yesterday n he told me about ur blogsite. Thank u so much…not only 4 carrying my intw…morethan that u guys are doing really good job 4 our language.Keep it up da!"Entha kaalam nam ellorayum pirichatho…athe kaalam endravathu oru naal nam ellorayum ondrakkum endra nambikkayudan…-kandee anna

கருத்துக்கள் மூடப்பட்டது