IPv6: மாற்றமே மாறாதது

இது இன்றைய வானொலி நிகழ்ச்சிக்காக தயாரித்த ஒரு பகுதி. ஒலிபரப்பான அங்கத்தை இங்கு கேட்கலாம்.

இணைய வலையமைப்பில் ஒரு உலகளாவிய மாற்றம் இந்த வாரம் ஆரம்பமாகியிருக்கிறது. IPv6 அல்லது Internet Protocol version 6 எனப்படும் இணைய தொடர்பாடல் தரமுறையின் பயன்பாடு உத்தியோகபூர்வமாக ஆரம்பித்திருக்கிறது. இந்த மாற்றத்தை பற்றியும் அதன் பின்னணியையும் இதன் தாக்கங்களையும் இன்றைய அறிந்ததும் அறியாததும் பகுதியில் இங்கு பார்க்கலாம்.

IPv6

IPv6 பற்றி பார்ப்பதற்கு முன்னர் IP எண்கள் என்றால் என்ன என்று தெரிந்து கொள்ளலாம். எப்படி நாம் இரண்டு தொலைபேசிகளுக்கு இடையே தொடர்பு கொள்ள தொலைபேசி இலக்கங்கள் இருக்கின்றனவோ, அது போலவே இரண்டு கணனிகள் தம்மிடையே பேசிக் கொள்ள ஐபி எண்கள் பயன்படுகின்றன.

ஐபி எண்களுக்கான தற்போதைய தரமுறையான IPv4 1970களில் உருவாக்ப்பட்டது. 4.3 billion ஐபி முகவரிகளை இந்த தரமுறையில் கொடுக்க முடியும். ஒரு பரிசோதனையாக உருவாக்கப்பட்ட காலத்தில் இந்த எண்ணிக்கை போதுமானதாகவே எல்லோரும் எண்ணியிருந்தனர். ஆனால் தொழில்நுட்பங்களில் எதிர்பாராத வளர்ச்சியும் அதிகப்படியானோர் இணையத்தில் இணையும் நிலையிலும் இந்த எண்ணிக்கை இப்போது போதுமானதாக இல்லை.

இதை சமாளிக்க NAT (Network Address Translation) போன்ற மாற்று வழிகள் இருந்தாலும் அவை ஓரு நிரந்தர தீர்வு அல்ல. இந்த சூழலில் 1990களில் இறுதியில் அறிமுகமாகிறது IPv6. இதன் முக்கிய அம்சம் இந்த முறையில் கொடுக்கங்கூடிய முகவரிகளின் எண்ணிக்கை 340 trillion trillion trillion. அதாவது 340ம் 36 பூச்சியங்களும்.

இதனால் யாருக்கு நன்மை?
இது நேரடியாக நமக்கு பெரியளவிலான நன்மைகள் எதையும் இப்போதைக்கு தரப்போவதில்லை. ஆனாலும் எதிர்காலத்தில் தோன்றக்கூடிய புதிய தொழில்நுட்ப சாத்தியங்களுக்கு இது ஒரு முதல் படிக்கல்லாக அமைகிறது. கணனிகள், கைப்பேசிகள் மட்டுமன்றி வீட்டு இலத்திரனியல் உபகரணங்கள் வாகனங்கள் போன்றவையும் வலையமைப்பில் நேரடியாக இணையும் சாத்தியங்களையும் இது வழங்குகிறது.

இந்த மாற்றம் எப்போது தொடங்குகிறது, எப்போது முடியும்?
இது ஒரு சிறிய மாற்றம் அல்ல, உலகம் பூராவும் உள்ள இணைய வலையமைப்பின் கட்டமைப்புக்கள் முழுவுதும் இந்த புதிய தரமுறைக்கு மாற சில வருடங்களாவது காத்திருக்க வேண்டும். அதுவரை பழைய மற்றும் புதிய தரமுறைகள் சேர்ந்தியங்கும்.

இது தொடர்பில் நான் என்ன செய்ய வேண்டும்? என்ன செய்ய முடியும்?
பெரும்பாலான தற்போதைய கணனிகள் IPv6 தரமுறைக்கு ஆதரவு தருகின்றன. ஆனாலும் அவுஸ்திரேலியாவில் Internode தவிர்ந்த ஏனைய இணைய வழங்குனர்கள் யாரும் IPv6 மாற்றத்தை தொடங்கவில்லை. ஆகவே இப்போதைக்கு நாம் இந்த மாற்றம் நடக்கிறது, ஆரம்பித்துவிட்டது என்பதை அறிந்து கொள்வதை தாண்ணி எதையும் செய்யத்தேவை இல்லை.

புத்தம் புதுசு – Facebook Chat

Facebook Chat

பலராலும் மிக நீண்ட நாட்களாக எதிர்பார்க்கப்பட்ட Facebook Chat, இப்போது பொதுப்பாவனைக்கு விடப்பட்டுள்ளது.

ஜிமெயில் சாட்டை போலவே இருந்தாலும் Facebook நண்பர்களுடன் உரையாட பயனுள்ளதாக இருக்கும்.

கூகுளின் ஓர்கூட்டிலும் விரைவில் இவ்வாறான வசதி வழங்கப்படலாம்.

அன்புடன்,
நிமல் (எ) பிரகாஷ் (எ) நிமலபிரகாசன்

ப்ளாகரில் Gravatar…!

ப்ளாகர்(Blogger) வலைப்பதிவுகளின் பின்னூட்டங்களில் Gravatar அவதாரங்களை காட்ட இயலாது என்பது அனேக Gravatar பயனர்களுக்கு தெரிந்த்து தான். ஆனாலும் Blogger Profile படமாக Gravatar அவதாரங்களை காட்ட இயலும். நான் செய்து பார்த்தேன், எவ்வாறு என்பதை இங்கு பார்க்கலாம்.

தமிழ்மணம், சற்றுமுன், மற்றும் இதர பல வேட்பிரஸ் வலைப்பதிவுகளும் Gravatar வசதியை கொண்டிருக்கின்றன. ப்ளாகரில் இப்போதைக்கு இதுமட்டுமே முடியும். (வாசிக்க)

Gravatar என்றால் என்ன ?

நாம் ஒவ்வொரு தளங்களிலும் நம் Profile புகைப்படங்களை நுழைப்பது வழக்கம். உதாரணமாக வேர்ட்பிரஸ் தளத்தில் ஒரு படம், ப்ளாகர் தளத்தில் ஒரு படம், தமிழ்மணத்திற்கு ஒரு படம் என ஒரே படத்தை பல தளங்களில் தரவேற்ற வேண்டும். இதற்கு மாற்றாக வந்திருக்கும் தொழில்நுட்பம் தான் Gravatar – globally recognized avatar. ஒரே இடத்தில் புகைப்படத்தை வைத்து விட்டு பல்வேறு தளங்களிலும் அந்த புகைப்படங்களை பயன்படுத்தும் வசதி தான் Gravatar. நம்முடைய மின்னஞ்சலுடன் ஒரு புகைப்படத்தை Gravatar தளத்தில் நுழைத்து விட்டால், அந்த மின்னஞ்சலை கொண்டு அனைத்து தளங்களிலும் அந்த புகைப்படத்தை பயன்படுத்திக் கொள்ள முடியும். குறிப்பாக நாம் பல வலைத்தளங்களில் மறுமொழிகளை இடும் பொழுது இது மிகுந்த உதவியாக இருக்கும்.

(நன்றி: தமிழ்மணம் அறிவிப்புகள்)

Blogger Profile படமாக Gravatar

1. Gravatar தளத்தில் கணக்கோன்றை தொடங்கி உங்கள் மின்னஞ்சல் முகவரியைக் கொண்டு என்ற தங்கள் புகைப்படங்களை இணைத்துக் கொள்ளவும். (talkout@gmail . com)

2. http://en.gravatar.com/site/check/talkout@gmail.com பக்கத்துக்கு சென்று படத்துக்கான URLஐ Copy செய்யவும்.
Blogger Profile Picture Gravatar

3. Bloggerல் Edit Profileக்கு செல்லவும்.

4. அங்கு Photograph என்பதன் கீழ் காட்டப்படும் Remove Image அழுத்தி, ஏற்கனவே உள்ள படத்தை நீக்கவும்.
Blogger Profile Image Gravatar

5. அடுத்து தோன்றும் From the web இல், Gravatarல் (படிமுறை 2) Copy செய்த URLஐ Paste செய்யவும்.
Blogger Gravatar

6. இனி உங்கள் Gravatar படமே உங்கள் Blogger Profile இலும் காட்டப்படும்.
Blogger Profile Photograph Gravatar

இதால் என்ன பயன்?

* படத்தை ஒரு இடத்தில் மட்டும் மாற்றினால் போதும்.
* …?

வேற பயன்பாடு ஏதாவது இருந்தா பின்னூட்டத்தில சொல்லுங்கோ… மீண்டும் சந்திக்கலாம்…

அன்புடன்,
நிமல் (எ) பிரகாஷ் (எ) நிமலபிரகாசன்

பயர்பாக்ஸ்க்கு அகராதி

பயர்பாக்ஸ் அகராதி நீட்சி

நண்பர்களே பயர்பாக்ஸ்க்கான அகராதி நீட்சி ஒன்றை உருவாக்கும் முயற்சியில் கண்ணன் (எ) கதீஸ்குமாரும் நானும் ஈடுபட்டிருக்கிறோம். இந்த வார இறுதிக்குள் முதலாவது (0.1.0) பதிப்பை mozdev.org தளத்தில் வெளியிட எண்ணியுள்ளோம்.

Firefox EnTaTip - பயர்பாக்ஸ் அகராதி நீட்சி.jpg

வலையுலக நண்பர்களிடமிருந்து ஒரு உதவி, ஒருங்குறியில் அமைந்த அகராதி தேவை. எம்மிடம் 3500+ சொற்களே உள்ளன.

மிக விரைவில் மேலதிக விபரங்களுடன் வருகிறேன்.

அன்புடன்,
நிமல் (எ) பிரகாஷ் (எ) நிமலபிரகாசன்

வின்டோஸ் கணனியில் லினக்ஸ் கோப்புக்கள்

மு.கு: லினக்ஸ் பிடிக்காதவர்களுக்காகவும். நீங்கள் இவ்வாறானவற்றை தெரிந்து கொள்வதன் மூலம், யாராவது இதைப்பற்றி கதைக்கு போது, “தெரியும், தெரியும்..!”, என பந்தா காட்டலாம். 😉

எனது மடிக்கணனி பெரும்பாலான நேரங்களில் லினக்ஸ் இயங்குதளத்திலேயே இயங்கினாலும் (Ubuntu/Vector/openSUSE), அவ்வப்போது விண்டோஸ் பக்கம் எட்டிப்பார்க்கும் ஆசை என் கணனிக்கும், தேவை எனக்கும் ஏற்படுவதுண்டு. அவ்வாறான நேரங்களில் லினக்ஸில் இருந்து சில கோப்புக்களை பயன்படுத்தும் தேவையும் ஏற்படுவதுண்டு.

இந்த தேவைக்காக இதுவரையும் நான் Explore2fs (தொ-1) (தொ-2) என்ற மென்பொருளையே பாவித்துவந்தேன். ஆனாலும் இதன் மூலம் கோப்புக்களை பிரதிசெய்தே பயன்படுத்த முடிவது இதை பாவிப்பதில் உள்ள அலுப்பான ஒர் விடையம். இருப்பினும் ஒருசில கோப்புக்கள் மட்டும் தேவைப்படுகையில் பயனுள்ளது.

எனவே இத்தேவைக்கான மாற்று வழிகளைப்பற்றி தேடியபோது இந்தப் பக்கம் சிக்கியது. இங்கு குறிப்பிட்டவற்றில் பலவழிகளிலும் சிறந்த்தாக கருதுவது Ext2 IFS For Windows. இதன் முக்கிய சிறப்பாக Ext2, Ext3 வகை partitionகளுக்கும் வாசிக்க, எழுத பயன்படும். அத்துடன் இது அனேக விண்டோஸ் பதிப்புக்களில் இயங்கும். (NT 4.0, 2000, XP, 2003, Vista)

மேலதிக விபரங்களுக்கு ஆர்வமுள்ளவர்கள் தொடுப்புகள் வழி செல்க…!

கடைசியாக ஒரு கேள்வி, ‘partition‘ என்பதற்கு பொருத்தமான தமிழ்ப் பதம் என்ன?

அன்புடன்,
நிமல் (எ) பிரகாஷ் (எ) நிமலபிரகாசன்